Senati amerikan ka refuzuar dy projektligje që do t’i jepnin fund mbylljes së qeverisë, duke mos i lënë rrugë zgjidhjes së problemit që po thyen rekord në historinë amerikane.

Legjislacioni republikan mblodhi 50 vota me 47 kundër, me 52-44 për projektligjin demokrat. Dy projektligjet kishin nevojë për 60 vota për të kaluar, transmeton portali arbresh.info.

Ndërkohë, 800 mijë punonjës federalë të cilët po kanë probleme me faturat që iu duhen të paguajnë nuk do ta marrin rrogën as këtë të premte.

Në ditën e 34-të e që fundi nuk po i shihet, kjo është mbyllja më e gjatë në historinë amerikane.

Gjashtë defektë republikanë – përfshirë ish-kandidatin e Shtëpisë së Bardhë dhe senatorin e Utah-së Mitt Romney – votuan për projekt-ligjin demokratik. Kjo do të kishte rihapur qeverinë deri më 8 shkurt.

Një demokrat konservator mbështeti masën republikane, e cila do të kishte siguruar 5.7 miliardë dollarë që presidenti Donald Trump dëshiron të ndërtojë një mur të kufirit jugor. Ajo gjithashtu do të kishte mbrojtur përkohësisht nga deportimi disa banorë të SHBA që hynë në vend pa dokumentacion sa ishin fëmijë./Arbresh.info/